“Figaro” басылымының хабарына бола, 12 мәмлекет Палестинаны қоллап-қуўатлаў мақсетинде коалиция дүзилгенин жәриялады.

– Палестина ҳәкимшилиги дус келген мисли көрилмеген финанслық кризисти жеңип өтиўге жәрдем бериў ушын финанслық турақлылықты тәмийинлеў бойынша айрықша коалиция дүзилмекте, – делинеди мақалада.

Франция, Бельгия, Уллы Британия, Дания, Ирландия, Исландия, Испания, Норвегия, Саудия Арабстаны, Словения, Швейцария ҳәм Япония жаңа структураға қосылатуғынын билдирди. Белгиленген мақсетке муўапық, бул мәмлекетлер Рамаллаҳта жайласқан Палестина ҳәкимшилигин турақластырыў ушын 170 миллион доллар ажыратады.

21-сентябрь күни Уллы Британия Палестина мәмлекетин рәсмий тән алғаннан кейин, Канада, Австралия ҳәм Португалия да сондай жол тутты. Және көплеген мәмлекетлер жақын келешекте жоқарыдағы мәмлекетлерден үлги алатуғынын мәлим еткен.

С.Раҳимов, ӨзА