Силтеме

“Biologic International LLC” компаниясының басқарыўшы шериги Кешав Ражпал социаллық тармақ арқалы Өзбекстан Президенти Шавкат Мирзиёевтиң қатнасыўында өткен Өзбекстан – АҚШ дөгерек сәўбети шеңберинде мәмлекетимиздиң Тиклениў ҳәм раўажланыў қоры (UFRD) менен 2 өз-ара түсинисиў меморандумына қол қойылғанын қанаатланыўшылық пенен атап өтти.

Кешав Ражпал, “Biologic International LLC” компаниясының басқарыўшы шериги:

– UFRD еки баслама – тәбийғый капитал ҳәм турақлы раўажланыў қоры – “Equiterra Capital” ҳәм жасалма интеллект екосистемасындағы стартапларға бағдарланған “Talos Capital” қорын иске қосыўда тийкарғы нормативлик шерик сыпатында қатнасады. Бирге ислесиў ушын UFRD топарына, атап айтқанда мәмлекеттеги мәсләҳәтшилерге миннетдаршылық билдиремиз. Өзбекстан ҳақыйқатында да бизнес, инновация ҳәм узақ мүддетли инвестиция ушын ашық мәмлекет.

Мағлыўмат орнында:

• UFRD – 2006-жылы Өзбекстанда тийкарғы тармақ жойбарларын қаржыландырыў ушын шөлкемлестирилген, мәмлекетимиздеги ең ири мәмлекетлик қор.
• Усы жылдың сентябрь айында “Talos Capital” Ташкентте жасалма интеллект тараўында бирге ислесиў бойынша мәмлекетлик уйымлар, IT Park ҳәм басқа да шөлкемлер менен сөйлесиўлер өткерген.
• Алдын “Biologic International LLC” менен биологиялық жанылғы, биологиялық төгин ҳәм азық-аўқат өнимлери бағдарларында жойбарларды әмелге асырыў мәселелери додаланған.

  

  https://youtu.be/ljBb8nZnDt4

Абдуазиз ХИДИРОВ, ӨзАның хабаршысы