Silteme

“Biologic International LLC” kompaniyasınıń basqarıwshı sherigi Keshav Rajpal sociallıq tarmaq arqalı Ózbekstan Prezidenti Shavkat Mirziyoevtiń qatnasıwında ótken Ózbekstan – AQSh dógerek sáwbeti sheńberinde mámleketimizdiń Tikleniw hám rawajlanıw qorı (UFRD) menen 2 óz-ara túsinisiw memorandumına qol qoyılǵanın qanaatlanıwshılıq penen atap ótti.

Keshav Rajpal, “Biologic International LLC” kompaniyasınıń basqarıwshı sherigi:

– UFRD eki baslama – tábiyǵıy kapital hám turaqlı rawajlanıw qorı – “Equiterra Capital” hám jasalma intellekt ekosistemasındaǵı startaplarǵa baǵdarlanǵan “Talos Capital” qorın iske qosıwda tiykarǵı normativlik sherik sıpatında qatnasadı. Birge islesiw ushın UFRD toparına, atap aytqanda mámlekettegi másláhátshilerge minnetdarshılıq bildiremiz. Ózbekstan haqıyqatında da biznes, innovaciya hám uzaq múddetli investiciya ushın ashıq mámleket.

Maǵlıwmat ornında:

• UFRD – 2006-jılı Ózbekstanda tiykarǵı tarmaq joybarların qarjılandırıw ushın shólkemlestirilgen, mámleketimizdegi eń iri mámleketlik qor.
• Usı jıldıń sentyabr ayında “Talos Capital” Tashkentte jasalma intellekt tarawında birge islesiw boyınsha mámleketlik uyımlar, IT Park hám basqa da shólkemler menen sóylesiwler ótkergen.
• Aldın “Biologic International LLC” menen biologiyalıq janılǵı, biologiyalıq tógin hám azıq-awqat ónimleri baǵdarlarında joybarlardı ámelge asırıw máseleleri dodalanǵan.

Abduaziz XIDIROV, ÓzAnıń xabarshısı