Өзбекстан Республикасының Биринши ханымы Зироат Мирзиёева Нью-Йорк қаласына сапары шеңберинде Түркия Республикасының Биринши ханымы Эмине Эрдоғанның мирәт етиўине бола усы мәмлекеттиң мәдений мийрасына бағышланған көргизбе менен танысты.

Экспозицияда Анадолудың дәстүрлери, өнерментшилик ҳәм мәдениятты заманагөй дизайн менен бирлестирген көп әсирлик мийрасы таныстырылды. Көргизбеде миллий гезлемелер, қолдан тоқылған гилемлер, “телкари” ҳәм “казазия” усылындағы зергерлик буйымлары, гүлалшылық үлгилери, ғоза ағашынан ойма сандықлар ҳәм мыстан қолда исленген ыдыслар көрсетилди.

Көргизбеге сапар етиў ўақтында Зироат Мирзиёева ҳәм Эмине Эрдоған халықларымыз арасындағы мәдений-гуманитарлық байланысларды және де беккемлеў ҳаққында пикир алысты.

Илажда, сондай-ақ, БМШ Бас Ассамблеясының 80-сессиясы мүнәсибети менен Нью-Йорк қаласында болып турған басқа да мәмлекетлердиң мәмлекет ҳәм ҳүкимет басшыларының өмирлик жолдаслары, сырт ел делегацияларының жоқары мәртебели ўәкиллери қатнасты.

ӨзА