Ózbekstan Respublikasınıń Birinshi xanımı Ziroat Mirziyoeva Nyu-York qalasına saparı sheńberinde Túrkiya Respublikasınıń Birinshi xanımı Emine Erdoǵannıń mirát etiwine bola usı mámlekettiń mádeniy miyrasına baǵıshlanǵan kórgizbe menen tanıstı.

Ekspoziciyada Anadoludıń dástúrleri, ónermentshilik hám mádeniyattı zamanagóy dizayn menen birlestirgen kóp ásirlik miyrası tanıstırıldı. Kórgizbede milliy gezlemeler, qoldan toqılǵan gilemler, “telkari” hám “kazaziya” usılındaǵı zergerlik buyımları, gúlalshılıq úlgileri, ǵoza aǵashınan oyma sandıqlar hám mıstan qolda islengen ıdıslar kórsetildi.
Kórgizbege sapar etiw waqtında Ziroat Mirziyoeva hám Emine Erdoǵan xalıqlarımız arasındaǵı mádeniy-gumanitarlıq baylanıslardı jáne de bekkemlew haqqında pikir alıstı.
Ilajda, sonday-aq, BMSh Bas Assambleyasınıń 80-sessiyası múnásibeti menen Nyu-York qalasında bolıp turǵan basqa da mámleketlerdiń mámleket hám húkimet basshılarınıń ómirlik joldasları, sırt el delegaciyalarınıń joqarı mártebeli wákilleri qatnastı.

ÓzA