Ҳүкимет қарары (583-сан) менен “Өзбекстан Республикасы Министрлер Кабинети жанындағы Имам Матуридий халықаралық илимий-изертлеў орайы”ның уставы тастыйықланды.

Устав Имам Матуридий халықаралық илимий-изертлеў орайының тийкарғы ўазыйпалары менен функцияларын, ҳуқықлары менен миннетлемелерин, сондай-ақ, жумысын шөлкемлестириў тәртибин белгилейди.

Уставқа бола, ислам дининиң адамгершилик мәниси, ағартыўшылық-мәдений роли ҳәм раўажланыў бағдарларын илимий тийкарда үйрениў ҳәм кең жәмийетшиликке жеткериў Орайдың ўазыйпаларынан бири болып есапланады.

Орай өзине жүкленген ўазыйпаларды орынлаў ушын төмендеги функцияларды әмелге асырады, соның ишинде:

– Имам Матуридий, Абу Муин Насафий ҳәм олардың избасарлары тәрепинен жазылған ақида ҳәм калом илимлерине байланыслы шығармаларды изертлеўге байланыслы илимий жойбарларды әмелге асырады;

– ислам дининиң илим-ағартыўшылық, дөретиўшилик ҳәм адамгершиликке тийкарланған мазмун-мәнисин ашып бериўге бағышланған изертлеўлерди әмелге асырады.

Орайдың жумысын қоллап-қуўатлаў ҳәм муўапықластырыў бойынша Қәўендерлик кеңеси Орайдың жумысын муўапықластырады.

У.Қурбонов, ӨзА