“Report.az“ сайтының хабар бериўинше, Әзербайжан 15 түрли кеселлик себепли азық-аўқат импортына шеклеў енгизген.

Азық-аўқат қәўипсизлиги агентлиги бөлим баслығы, бас мәмлекетлик ветеринария инспекторы Ғолиб Абдулалиевтиң мәлим етиўинше, өткен ҳәпте даўамында дүнья бойлап блутан, оқсим (ясур), майда қарамалларда шешек ҳәм жоқары патогенли қус гриппи сыяқлы кеселликлер анықланған.

– Словения, Болгария, Греция, Ливия, Португалия, Испания ҳәм Норвегия сыяқлы бир қатар мәмлекетлерде түрли кеселликлер дизимге алынды, – делинген хабарда.

Қарақалпақстан хабар агентлиги