1-сентябрь – ҳәр бир өзбекстанлы ушын өтмиштен мақтаныш, келешекке исеним ҳәм Ўатанға меҳир-муҳаббат сезими толып-тасқан күн. Быйылғы байрам мәмлекеттиң жаңаланыў ҳәм алға исенимли ҳәрекети дәўирин сәўлелендиретуғын “Ўатан ушын, миллет ушын, халық ушын!” деген өмиршең сүрен астында өткерилмекте.

Байрам алдынан “Социаллық пикир ” РЖФОМ социологиялық сораў өткерди, сораў Ғәрезсизлик  күни пуқаралар тәрепинен миллий бирлик ҳәм келешекке исеним белгиси сыпатында қабыл ететуғынын көрсетти.

Халықтың улыўма көпшилиги байрамды өзгеше сезим менен күтип алады, себеби 97 процент пуқаралар мәмлекет ушын мақтаныш сезимин сезеди; 87,6% соралғанлар байрам руўхында, жақсы кейпиятты атап өтти; 84,7% сораў қатнасыўшылары бул күнди халықтың аўызбиршилиги менен байланыстырады; 95,5% халық Өзбекстан Республикасы пуқарасы екенлигинен мақтанады.

Ғәрезсизлик тек ғана тарийхый ўақыяға емес, ал жаңа имканиятлар дәрегине айланды. 79,1% пуқаралардың атап өтиўинше, соңғы жыллары олардың өз потенциалын жүзеге шығарыў ҳәм турмыслық мақсетлерге ерисиў имканиятлары сезилерли дәрежеде кеңейди.

Жәмийеттиң  санасында мәмлекет келешегиниң илҳамландырыўшы көриниси де беккемленди. Дерлик барлық респондентлер Өзбекстанды күшли ҳәм абадан (97,8%), тыныш ҳәм беккем (88,9%), руўхый бай ҳәм мәдениятлы (85,3%), заманагөй ҳәм инновациялық (81,9%) мәмлекет сыпатында көреди.

Өткерилген изертлеў Ғәрезсизлик күни халық ушын миллий мақтаныш белгиси, көтериңкилик ҳәм мәмлекеттиң жарқын келешегине исеним дәреги болғанын анық тастыйықлайды.

ӨзА