Апельсин – гесперид мийўе, яғный тери менен қапланған мийўелерден бири болып есапланады. Халқымыз тилинде бул мийўе әййемде портахол аты менен де аталған. Апельсинлер аўқат сиңириў ҳәм ишеклердиң дурыс ислеўи ушын жүдә пайдалы өним. Дүнья бойынша жетистирилетуғын жәми апельсинниң дерлик 20 проценти мийўе ҳалында сатылады. Қалған бөлими болса шербет ҳәм консервантлар ислеп шигарыў ушын пайдаланылады.

Мәмлекетимизде бул өнимниң импорты жылдан-жылға артпақта. Миллий статистика комитетиниң мағлыўматларына бола, 2025-жылдың январь-июль айларында Өзбекстанға 10 сырт мәмлекеттен  баҳасы 7,5 миллион АҚШ долларына тең болған 17,4 мың тонна апельсин импорт етилген. Усы ўақыт даўамында Өзбекстанға ең көп апельсин импорт еткен мәмлекетлер төмендегилер: Иран – 11,6 мың тонна, Египет – 2,6 мың тонна, Қытай – 2,1 мың тонна, Түркия – 453 тонна, Қубла Африка Республикасы – 340 тонна, Қазақстан – 187 тонна ҳәм басқа мәмлекетлерден 149 тонна.

Апельсин тек ғана мазалы емес, ал жағымлы ийиске ийе өним есапланады. Дүньяда шоколад ҳәм ванильдан соң апельсин ийиси ең жағымлы ийис деп тән алынған. Бул өнимниң елимизге үлкен муғдарда экспорт етилиўи базар талабы ҳәм мийўениң пайдалы тәреплери менен байланыслы. Ҳәр бир мәмлекеттен импорт етилген апельсин мийўесиниң өз тутыныўшылары болып, бул өним мәмлекетимизде соншелли белгили, оны дерлик ҳәр бир азық-аўқат дүканынан табыў мүмкин.

ӨзА