Apelsin – gesperid miywe, yaǵnıy teri menen qaplanǵan miywelerden biri bolıp esaplanadı. Xalqımız tilinde bul miywe áyyemde portaxol atı menen de atalǵan. Apelsinler awqat sińiriw hám isheklerdiń durıs islewi ushın júdá paydalı ónim. Dúnya boyınsha jetistiriletuǵın jámi apelsinniń derlik 20 procenti miywe halında satıladı. Qalǵan bólimi bolsa sherbet hám konservantlar islep shigarıw ushın paydalanıladı.

Mámleketimizde bul ónimniń importı jıldan-jılǵa artpaqta. Milliy statistika komitetiniń maǵlıwmatlarına bola, 2025-jıldıń yanvar-iyul aylarında Ózbekstanǵa 10 sırt mámleketten bahası 7,5 million AQSh dollarına teń bolǵan 17,4 mıń tonna apelsin import etilgen. Usı waqıt dawamında Ózbekstanǵa eń kóp apelsin import etken mámleketler tómendegiler: Iran – 11,6 mıń tonna, Egipet – 2,6 mıń tonna, Qıtay – 2,1 mıń tonna, Túrkiya – 453 tonna, Qubla Afrika Respublikası – 340 tonna, Qazaqstan – 187 tonna hám basqa mámleketlerden 149 tonna.
Apelsin tek ǵana mazalı emes, al jaǵımlı iyiske iye ónim esaplanadı. Dúnyada shokolad hám vanildan soń apelsin iyisi eń jaǵımlı iyis dep tán alınǵan. Bul ónimniń elimizge úlken muǵdarda eksport etiliwi bazar talabı hám miyweniń paydalı tárepleri menen baylanıslı. Hár bir mámleketten import etilgen apelsin miywesiniń óz tutınıwshıları bolıp, bul ónim mámleketimizde sonshelli belgili, onı derlik hár bir azıq-awqat dúkanınan tabıw múmkin.

ÓzA