Соңғы жыллары елимизде жаңадан шөлкемлестирилип атырған кәрхана ҳәм шөлкемлердиң саны көбеймекте. Миллий статистика комитетиниң мағлыўматларына бола, кәрханалар ең көп Ташкент қаласында шөлкемлестирилмекте.

Улыўма есапта 2025-жылдың январь-июль айлары даўамында республикамызда жәми 51 мың 159 кәрхана ҳәм шөлкем шөлкемлестирилген. Бул жағдай фермер ҳәм дийқан хожалықларысыз есапланғанда келип шықпақта.

Мағлыўматларға бола, бул көрсеткиш өткен жылдың сәйкес дәўирине салыстырғанда 1,6 процентке артқан.

Аймақлар кесиминде есаплағанда Ташкент қаласында 11 мың 175, Ташкент ўәлаятында 5 мың 5, Хорезмде 4 мың 640, Ферғанада 4 мың 288, Самарқандта 3 мың 809, Қашқадәрьяда 3 мың 211, Сурхандәрьяда 2 мың 999, Бухарада 2 мың 880, Әндижанда 2 мың 689, Наманганда 2 мың 626, Қарақалпақстан Республикасында 2 мың 370, Жиззақта 2 мың 193, Наўайыда 2 мың 6 ҳәм Сырдәрья ўәлаятында 1 мың 268 ди қурамақта.

ӨзА