“Аўыл хожалығы тараўына заманагөй технологияларды енгизиўди және де жеделлестириў арқалы нәтийжелиликти арттырыў илажлары ҳаққында”ғы Президент пәрманы қабыл етилди.

Пәрманның тийкарғы мақсетлери етип төмендегилер белгиленди, атап айтқанда:

• аўыл хожалығында пайдаланылатуғын 4 млн гектардан аслам жер майданларында егинлерди егиў ҳәм суўғарыў процесслерин санластырыў;
• аўыл хожалығы тараўында енгизилген 30 дан аслам мәлимлеме системаларын “Бирден-бир ноқат”қа бирлестириў арқалы пайдаланыўшылар ушын қолайлықлар жаратыў және мағлыўматлардың өз-ара муўапықлығы ҳәм исенимлилигин тәмийинлеў.

2026-жыл өниминен баслап аўыл хожалығы шөлкемлери өзлерине тийисли жер участкаларына егиў режелестирилген аўыл хожалығы егинлери ҳаққындағы мағлыўматларды “Санлы аўыл хожалығы” бирден-бир интеграциялық платформасына (Агропортал) еркин жайластырып барады.

Агропортал аўыл хожалығы өнимлерин жетистириўши, ислеп шығарыўшы ҳәм хызмет көрсетиўши шөлкемлер ушын тараўда хызмет көрсетиўдиң “бирден-бир ноқаты” сыпатында тән алынады.

Қарақалпақстан хабар агентлиги