“Awıl xojalıǵı tarawına zamanagóy texnologiyalardı engiziwdi jáne de jedellestiriw arqalı nátiyjelilikti arttırıw ilajları haqqında”ǵı Prezident pármanı qabıl etildi.

Pármannıń tiykarǵı maqsetleri etip tómendegiler belgilendi, atap aytqanda:
• awıl xojalıǵında paydalanılatuǵın 4 mln gektardan aslam jer maydanlarında eginlerdi egiw hám suwǵarıw processlerin sanlastırıw;
• awıl xojalıǵı tarawında engizilgen 30 dan aslam málimleme sistemaların “Birden-bir noqat”qa birlestiriw arqalı paydalanıwshılar ushın qolaylıqlar jaratıw jáne maǵlıwmatlardıń óz-ara muwapıqlıǵı hám isenimliligin támiyinlew.
2026-jıl óniminen baslap awıl xojalıǵı shólkemleri ózlerine tiyisli jer uchastkalarına egiw rejelestirilgen awıl xojalıǵı eginleri haqqındaǵı maǵlıwmatlardı “Sanlı awıl xojalıǵı” birden-bir integraciyalıq platformasına (Agroportal) erkin jaylastırıp baradı.
Agroportal awıl xojalıǵı ónimlerin jetistiriwshi, islep shıǵarıwshı hám xızmet kórsetiwshi shólkemler ushın tarawda xızmet kórsetiwdiń “birden-bir noqatı” sıpatında tán alınadı.

Qaraqalpaqstan xabar agentligi