Усы жыл 18-август күни Әдиллик министрлигинде мәмлекетлик дизимнен өткерилген “Өзбекстан Республикасы коммерциялық банклериниң мәлимлеме қәўипсизлиги ҳәм киберқәўипсизликке байланыслы минимал талаплар ҳаққында”ғы реже банклер ҳәм олардың филиалларында мәлимлеме қәўипсизлиги ҳәм киберқәўипсизликти тәмийинлеў мақсетинде мәлимлеме қәўипсизлиги ҳәм киберқәўипсизликти тәмийинлеў хызмети шөлкемлестириледи.

Хызмет банктиң мәлимлеме активлеринде мәлимлеме қәўипсизлиги ҳәм киберқәўипсизликти тәмийинлеў, төлем мағлыўматларының нызамсыз өзгертилиўи, банк ямаса оның қарыйдарына зыян жеткериў жағдайларының алдын алыў ҳәм сапластырыў бойынша жуўапкер есапланады.

Банк мәлимлеме қәўипсизлигине тийисли ишки сиясатты ислеп шығыўы ҳәм қабыл етиўи керек.

Буннан тысқары, банклер мағлыўматлар базасы сазламаларында қәтелердиң алдын алыўы ҳәм зыян бериўшиниң төмендеги ҳәрекетлерин шеклеўи керек, атап айтқанда:

– маглыўматлар базасына кириў;

– администратор ҳәм пайдаланыўшылардың парольлерин билип алыў;

– маглыўматлар базасының система файлларына кириў;

– зыянлы программаларды орнатыў;

– маглыўматлар базасы ҳәм серверге аралықтан ҳүжим етиў.

Тармақлараралық экран қурылмалары ҳәм прокси-серверлердиң электрон протоколлары Хызмет тәрепинен талланып барылады ҳәм сыртқы ҳүжимлер анықланған жағдайда тезлик пенен Орайлық банкке хабар бериледи,-деп мәлимлеме береди xabar.uz сайты.

Қарақалпақстан хабар агентлиги