Usı jıl 18-avgust kúni Ádillik ministrliginde mámleketlik dizimnen ótkerilgen “Ózbekstan Respublikası kommerciyalıq bankleriniń málimleme qáwipsizligi hám kiberqáwipsizlikke baylanıslı minimal talaplar haqqında”ǵı reje bankler hám olardıń filiallarında málimleme qáwipsizligi hám kiberqáwipsizlikti támiyinlew maqsetinde málimleme qáwipsizligi hám kiberqáwipsizlikti támiyinlew xızmeti shólkemlestiriledi.

Xızmet banktiń málimleme aktivlerinde málimleme qáwipsizligi hám kiberqáwipsizlikti támiyinlew, tólem maǵlıwmatlarınıń nızamsız ózgertiliwi, bank yamasa onıń qarıydarına zıyan jetkeriw jaǵdaylarınıń aldın alıw hám saplastırıw boyınsha juwapker esaplanadı.
Bank málimleme qáwipsizligine tiyisli ishki siyasattı islep shıǵıwı hám qabıl etiwi kerek.
Bunnan tısqarı, bankler maǵlıwmatlar bazası sazlamalarında qátelerdiń aldın alıwı hám zıyan beriwshiniń tómendegi háreketlerin sheklewi kerek, atap aytqanda:
– maglıwmatlar bazasına kiriw;
– administrator hám paydalanıwshılardıń parollerin bilip alıw;
– maglıwmatlar bazasınıń sistema fayllarına kiriw;
– zıyanlı programmalardı ornatıw;
– maglıwmatlar bazası hám serverge aralıqtan hújim etiw.
Tarmaqlararalıq ekran qurılmaları hám proksi-serverlerdiń elektron protokolları Xızmet tárepinen tallanıp barıladı hám sırtqı hújimler anıqlanǵan jaǵdayda tezlik penen Oraylıq bankke xabar beriledi,-dep málimleme beredi xabar.uz saytı.

Qaraqalpaqstan xabar agentligi