Өзбекстан Республикасы Президенти Шавкат Мирзиёев Пакистан Ислам Республикасы Штаб баслықлары бирлескен комитетиниң баслығы, генерал Саҳир Шамшод Мирзо басшылығындағы делегацияны қабыллады.

Жоқары мәртебели мийман мәмлекетимиз басшысына Пакистан Бас министри Шаҳбоз Шарифтиң сәлеми ҳәм ең жақсы тилеклерин жеткерди.

Пакистан Бас министриниң усы жыл февраль айындағы Өзбекстанға сапары даўамында ерисилген келисимлерди әмелге асырыў көзқарасынан Өзбекстан – Пакистан көп тәреплемели бирге ислесиў ҳәм стратегиялық шериклик қатнасықларын буннан былай да раўажландырыў мәселелери додаланды.

Ҳәр қыйлы дәрежелерде өз-ара сөйлесиў ҳәм алмасыўлардың жеделлескени қанаатланыўшылық пенен атап өтилди. Усы жылдың басынан товар алмасыўдың көлеми 23 процентке, жүк тасыў 50 процентке артты. Карачи ҳәм Лаҳор қалаларында саўда үйлери ашылды. Тиккелей авиақатнаўлар көбейди.

Әскерий ҳәм әскерий-техникалық тараўларда, қәўипсизликке заманагөй қәўип-қәтерлерге қарсы гүресиў бағдарындағы әмелий бирге ислесиў мәселелери көрип шығылды.

Трансаўған темир жолын қурыў жойбары бойынша қол қойылған үш тәреплеме келисимди тез пурсатта әмелге асырыўға айрықша итибар қаратылды.

ӨзА