Ózbekstan Respublikası Prezidenti Shavkat Mirziyoev Pakistan Islam Respublikası Shtab baslıqları birlesken komitetiniń baslıǵı, general Sahir Shamshod Mirzo basshılıǵındaǵı delegaciyanı qabılladı.

Joqarı mártebeli miyman mámleketimiz basshısına Pakistan Bas ministri Shahboz Shariftiń sálemi hám eń jaqsı tileklerin jetkerdi.
Pakistan Bas ministriniń usı jıl fevral ayındaǵı Ózbekstanǵa saparı dawamında erisilgen kelisimlerdi ámelge asırıw kózqarasınan Ózbekstan – Pakistan kóp táreplemeli birge islesiw hám strategiyalıq sheriklik qatnasıqların bunnan bılay da rawajlandırıw máseleleri dodalandı.
Hár qıylı dárejelerde óz-ara sóylesiw hám almasıwlardıń jedelleskeni qanaatlanıwshılıq penen atap ótildi. Usı jıldıń basınan tovar almasıwdıń kólemi 23 procentke, júk tasıw 50 procentke arttı. Karachi hám Lahor qalalarında sawda úyleri ashıldı. Tikkeley aviaqatnawlar kóbeydi.
Áskeriy hám áskeriy-texnikalıq tarawlarda, qáwipsizlikke zamanagóy qáwip-qáterlerge qarsı gúresiw baǵdarındaǵı ámeliy birge islesiw máseleleri kórip shıǵıldı.
Transawǵan temir jolın qurıw joybarı boyınsha qol qoyılǵan úsh tárepleme kelisimdi tez pursatta ámelge asırıwǵa ayrıqsha itibar qaratıldı.

ÓzA