Өзбекстанда жумыс бериўшилердиң нызамсыз бәнтликке жол қойғаны ушын жуўапкершилиги күшейтиледи. Бул ҳаққында Президент пәрманында мәлим етилди.

Кәмбағаллықты қысқартыў ҳәм бәнтлик министрлиги, Әдиллик министрлиги ҳәм Саўда-санаат палатасына тийисли нызам жойбарын август айына шекем Министрлер Кабинетине киргизиў тапсырылды.

Жойбарда биринши мәрте нызамсыз мийнетке тартыў жағдайы анықланса – 30 БЕМ (12,3 млн сум) муғдарында жәрийма, қайтадан исленгенде болса – 100 БЕМ (41,2 млн сум) муғдарында жәрийма салыў усыныс етилген.

2026-жылдан болса қурылыс шөлкемлерине “Ашық-айдын қурылыс” онлайн-платформасындағы рейтинг баллары нызамсыз бәнтликке байланыслы нызамбузыўшылықлар ушын төменлетиледи.

Қарақалпақстан хабар агентлиги