Ўзбекистонда иш берувчиларнинг ноқонуний бандликка йўл қўйганлиги учун жавобгарлиги кучайтирилади. Бу ҳақда Президент фармойишида маълум қилинди.

Камбағалликни қисқартириш ва бандлик вазирлиги, Адлия вазирлиги ҳамда Савдо-саноат палатасига тегишли қонун лойиҳасини август ойига қадар Вазирлар Маҳкамасига киритиш топширилди.

Лойиҳада илк марта ноқонуний меҳнатга жалб қилиш ҳолати аниқланса — 30 БҲМ (12,3 млн сўм) миқдорида жарима, қайта содир этилганда эса — 100 БҲМ (41,2 млн сўм) миқдорида жарима солиш таклиф этилган.

2026 йилдан эса қурилиш ташкилотларига нисбатан «Шаффоф қурилиш» онлайн-платформасидаги рейтинг баллари ноқонуний бандликка оид қонунбузарликлар учун пасайтирилади.