Өзбекстан сыртқы ислер министри Бахтиёр Саидов бүгин Тәжикстан елшиси Абдужаббор Раҳмонзоданы қабыл етти.

“Бүгин Сыртқы ислер министрлигинде Тәжикстанның Өзбекстандағы Айрықша ҳәм толық ҳуқықлы елшиси Абдужаббор Раҳмонзода мырзаны қабылладық, – деп жазды Өзбекстан СИМ басшысы өзиниң телеграм-каналында. – Мәмлекетлеримиз арасындағы дослық, жақсы қоңсышылық, аўқамласлық ҳәм стратегиялық шериклик қатнасықларын беккемлеў мәселелери дыққатымыз орайында болды.

Саўда-экономикалық бирге ислесиўди кеңейтиў, турақлы алмасыўларға жәрдемлесиў, регионаллық қәўипсизлик ҳәм турақлы раўажланыў тараўындағы бирге ислесиўди тереңлестириўге айрықша итибар қараттық”.

Еслетип өтемиз, Тәжикстанның мәмлекетимиздеги елшиси сыпатында Абдужаббор Раҳмонзода 2021-жыл 25-август күни Өзбекстан Президентине исеним жарлықларын тапсырған еди.

Қарақалпақстан хабар агентлиги