Ózbekstan sırtqı isler ministri Baxtiyor Saidov búgin Tájikstan elshisi Abdujabbor Rahmonzodanı qabıl etti.

“Búgin Sırtqı isler ministrliginde Tájikstannıń Ózbekstandaǵı Ayrıqsha hám tolıq huqıqlı elshisi Abdujabbor Rahmonzoda mırzanı qabılladıq, – dep jazdı Ózbekstan SIM basshısı óziniń telegram-kanalında. – Mámleketlerimiz arasındaǵı doslıq, jaqsı qońsıshılıq, awqamlaslıq hám strategiyalıq sheriklik qatnasıqların bekkemlew máseleleri dıqqatımız orayında boldı.
Sawda-ekonomikalıq birge islesiwdi keńeytiw, turaqlı almasıwlarǵa járdemlesiw, regionallıq qáwipsizlik hám turaqlı rawajlanıw tarawındaǵı birge islesiwdi tereńlestiriwge ayrıqsha itibar qarattıq”.
Esletip ótemiz, Tájikstannıń mámleketimizdegi elshisi sıpatında Abdujabbor Rahmonzoda 2021-jıl 25-avgust kúni Ózbekstan Prezidentine isenim jarlıqların tapsırǵan edi.

Qaraqalpaqstan xabar agentligi