Усы күнлерде Түркменбаши қаласындағы «Аваза» миллий туризм аймағында БМШтың Теңизге шығыў имканияты болмаған раўажланып атырған мәмлекетлер  бойынша үшинши конференциясы (LLDC3) болып өтпекте. Өзбекстан ушын бул форум  тек инфраструктура ҳәм логистика менен байланыслы емес, ал суверен раўажланыў үстинлиги, регионаллық интеграция ҳәм глобал басқарыўда норма исбилерменлигине тийкарланған избе-из сыртқы күн тәртибин жойбарлаў ушын стратегиялық имканият болып есапланады. Усы мәнисте, жетекши сырт  елли  баспасөзлер делегациямыздың усы әнжумандағы қатнасыўына айрықша итибар қаратып атырғаны тосаттан емес.

Мәселен, Бельгияның жетекши “EUReflect” баспасөзи Аваза саммитинде мәмлекетимиз басшысы тәрепинен алға қойылған усыныслар, атап айтқанда, Орайлық Азия регионындағы логистика интеграциясы процесине толық шолыў жасаған.

Автордың жазыўынша, алдынғы қатнасларға қарағанда, Өзбекстан ҳәзирде жаңа институтлар, концепциялар ҳәм коалициялар жәрдеминде халықаралық орталықты қайта қәлиплестириўге умтылмақта.

– Президент Шавкат Мирзиёевтиң Авазадағы шығып сөйлеген сөзи мәмлекеттиң  сыртқы сиясатындағы бағдарын айқын көрсетти, – дейди таллаўшы. – Билдирилген усыныслар қурғақлықта жайласқан мәмлекетлер ушын пуқта ислеп шығылған геоэкономикалық доктрина болып хызмет етеди.

Сондай-ақ, мақалада БМШ басшылығында транзит кепиллиги бойынша Глобал келисимге қол қойыў шақырығы Ташкенттиң еки тәреплеме   сөйлесиўден әдил транзит қағыйдасын  көп тәреплеме енгизиўге өтиў тилегин билдиреди, делинген. Бул  LLDC  форматына  транзит  мәмлекетлердеги  бир тәреплеме сиясат өзгериўине  улыўма әззиликтен қутылыў  имканиятын жаратады – логистика тек ғана техникалық емес, ал суверен теңлик мәселеси екенин дәлилейди.

Қубла  транспорт жоллары, атап айтқанда, Өзбекстан – Аўғанстан – Пакистан ҳәм Қытай – Қырғызстан – Өзбекстан темир жоллары республиканың стратегиялық бағдардағы унамлы өзгерислеринен дәрек береди. Бул жойбарлар Орайлық Азияны Қубла ҳәм Шығыс Азия ҳәм Жақын Шығыс пенен байланыстырыўшы сыпатында қайта жанланып атырған геосиясий  көшерге айландырады.

Улыўма, БМШ тәрепинен қоллап-қуўатланатуғын Логистика интеграциясы қоры ҳәм LLDC ушын Глобал әззилик индексин шөлкемлестириў усынысы және де тереңирек – ресурс ҳәм базарға әдил  кириў ушын  жаңа глобал қуралларды қәлиплестириў мақсетин көрсетеди. Улыўма, Өзбекстан енди өзин глобал раўажланыў архитектураның   биргеликтеги  авторы сыпатында көрсетпекте.

Мәмлекетимиз LLDC халықаралық аналитикалық орайына қосылыўы интеллектуаллық жетекшиликтиң глобал мәселелердеги ролин айқын аңлаўдан дәрек береди. Тийкарынан, тарқалған глобалласыў ҳәм күш орайларының өзгериўи бақланып атырған бир дәўирде Ташкент өзин платформа мәмлекети сыпатында көрсетиўге умтылмақта. Бул тек регионларды байланыстырып турыўшы емес, ал теңизге шығыў имканияты болмаған мәмлекетлер ушын глобал басқарыўдың нормативлик ҳәм институционаллық дизайнына да тәсир көрсетеди.

Ўткир Алимов, ӨзА