Әдетте атом электр станциясы жергиликли дәрья яки тенизден суўды арнаўлы қурылма арқалы алып, кейин жоқары температурада бассейнге қайтарады. Лекин, суў жүдә ыссы болса, процесс жергиликли биологиялық ҳәр түрлиликке қәўип салыўы мүмкин.

Соңғы күнлерде Европа бойлап болып атырған ыссы толқын себепли Швейцария ҳәм Франциядағы бир қатар АЭСлер жумысын қысқартты ямаса ўақытша жабылды. Бул ҳаққында “Euronews” хабар тарқатқан.

Швейцария 2033-жылға шекем атом энергиясынан ўаз кешиўге қарар еткен болса да, қәўипсизлик тәмийинленсе, бар станциялар жумысын даўам еттириўи мүмкин.

Францияда 18 электр станциясында жәми 57 актив ядро реакторы бар. Мәмлекет энергияның дерлик 65 процентин атомнан алады. Ҳүкимет бул процессти қоршаған орталық ушын қәўипсиз, деп есаплайды.

Муслим Зиё, ӨзА