Шанхай бирге ислесиў шөлкемине ағза мәмлекетлердиң мәлимлеме-коммуникация технологияларын раўажландырыў әҳмийетли ҳәм стратегиялық әҳмийетке ийе.

ШБШға ағза мәмлекетлерде мәлимлеме-коммуникация технологияларын раўажландырыў – тек ғана ишки емес, ал регионаллық турақлылық ҳәм қәўипсизликти тәмийинлеў ушын да үлкен әҳмийетке ийе. Бул мәмлекетлер санлы инфраструктура, киберқәўипсизлик, электрон ҳүкимет ҳәм жасалма интеллект тараўларында бирге ислесиўди күшейтип, заманагөй санлы дүньяда өз орнын беккемлеўге умтылмақта. Өз-ара тәжирийбе алмасыў, биргеликтеги жойбарлар ҳәм инновациялық басламалар – ШБШ мәмлекетлерин улыўма санлы келешекке қарай жетеклеўши тийкарғы факторлардан болып есапланады.

Шинжон-Уйғур автоном районы Карамай қаласында Шанхай Бирге ислесиў Шөлкемине ағза мәмлекетлердиң мәлимлеме-коммуникация технологияларын раўажландырыўға жуўапкер министрликлер ҳәм уйымлар басшыларының гезектеги мәжилиси болып өтти.

Бул ушырасыў даўамында ШБШ шеңберинде санлы трансформация процесслерин жеделлестириў, жасалма интеллект, үлкен мағлыўматлар, бултлы есаплаўлар, ақыллы қала технологиялары сыяқлы алдынғы санлы шешимлерди енгизиў сыяқлы мәселелер көрип шығылды. Сондай-ақ, мәлимлеме қәўипсизлиги, санлы инфраструктура, мәмлекетлик басқарыў ҳәм санлы экономика тараўларында бирге ислесиўди кеңейтиў додаланды.

Илажға Өзбекстан Республикасы Санлы технологиялар министри Шерзод Шерматов қатнасты.

Мәжилис жуўмағында ШБШға ағза мәмлекетлер арасында санлы трансформация тараўында бирге ислесиўди беккемлеўге қаратылған Ҳәрекетлер режеси қабыл етилди.

Н.Раҳмонова, ӨзА