Бириншиден, жөнелиссиз такси жумысын лицензиялаў транспорт қуралы дизимнен өткерилген аймаққа қарамастан, такси айдаўшысының таңлаўына бола лицензия талабында көрсеткен өзин-өзи бәнт еткен аймақ бойынша әмелге асырылады.

Яғный, такси айдаўшысының автомобили қайсы аймақта дизимнен өткенлигине қарамастан өзи қәлеген аймақта жумыс алып барыўы мүмкин.

Мәселен, Бухара ўәлаятында дизимнен өткен автомобильдиң ийеси дәслеп өзин-өзи бәнт еткен шахс сыпатында дизимнен өтеди ҳәм онда такси жумысын әмелге асырыў аймағын өзи таңлайды. Буннан соң, лицензия алыў ушын композит арза тапсырады.

Екиншиден, жөнелиссиз такси лицензия бетинде көрсетилген (өзи таңлаған) аймақта ҳәм тутас аймақта (Қарақалпақстан Республикасы, ўәлаятлар ҳәм Ташкент қаласы) жумыс алып барыўы керек.

Яғный, шеклеў лицензияда көрсетилетуғын аймақ ушын орнатылған. Мәселен, Бухара ўәлаятында дизимнен өткен автомобильдиң ийеси өзи таңлаған Ташкент қаласында жумыс алып барыў ушын лицензия алғанынан соң жумысты Ташкент қаласы ҳәм оған тутас Ташкент ўәлаятында алып барыўына рухсат бериледи.

Үшиншиден, автомобильдиң мәмлекетлик белгиси қайсы аймаққа тийисли болса, лицензия тек ғана сол аймақ ушын берилиўи лицензия талабы ҳәм шәрти есапланбайды.

Яғный, автомобильдиң басқа аймақта дизимнен өткерилгени лицензия бериўди бийкарлаў ушын тийкар болмайды.

Қарақалпақстан хабар агентлиги