Birinshiden, jónelissiz taksi jumısın licenziyalaw transport quralı dizimnen ótkerilgen aymaqqa qaramastan, taksi aydawshısınıń tańlawına bola licenziya talabında kórsetken ózin-ózi bánt etken aymaq boyınsha ámelge asırıladı.

Yaǵnıy, taksi aydawshısınıń avtomobili qaysı aymaqta dizimnen ótkenligine qaramastan ózi qálegen aymaqta jumıs alıp barıwı múmkin.
Máselen, Buxara wálayatında dizimnen ótken avtomobildiń iyesi dáslep ózin-ózi bánt etken shaxs sıpatında dizimnen ótedi hám onda taksi jumısın ámelge asırıw aymaǵın ózi tańlaydı. Bunnan soń, licenziya alıw ushın kompozit arza tapsıradı.
Ekinshiden, jónelissiz taksi licenziya betinde kórsetilgen (ózi tańlaǵan) aymaqta hám tutas aymaqta (Qaraqalpaqstan Respublikası, wálayatlar hám Tashkent qalası) jumıs alıp barıwı kerek.
Yaǵnıy, sheklew licenziyada kórsetiletuǵın aymaq ushın ornatılǵan. Máselen, Buxara wálayatında dizimnen ótken avtomobildiń iyesi ózi tańlaǵan Tashkent qalasında jumıs alıp barıw ushın licenziya alǵanınan soń jumıstı Tashkent qalası hám oǵan tutas Tashkent wálayatında alıp barıwına ruxsat beriledi.
Úshinshiden, avtomobildiń mámleketlik belgisi qaysı aymaqqa tiyisli bolsa, licenziya tek ǵana sol aymaq ushın beriliwi licenziya talabı hám shárti esaplanbaydı.
Yaǵnıy, avtomobildiń basqa aymaqta dizimnen ótkerilgeni licenziya beriwdi biykarlaw ushın tiykar bolmaydı.

Qaraqalpaqstan xabar agentligi