Тегеранда Иран ҳәм Өзбекстан арасында транзит бирге ислесиўди раўажландырыў бойынша өз-ара келисим меморандумына қол қойылды.

Меморандумға қол қойыў илажы Тегеранда болып өткен Экономикалық бирге ислесиў шөлкемине (ЭБШ) ағза мәмлекетлер транспорт министрлериниң 13-мәжилиси шеңберинде шөлкемлестирилди.

Меморандумға Иран транспорт ҳәм қала қурылысы министри Фарзона Содиқ ҳәм Өзбекстан транспорт министри Илҳом Маҳкамов және Иран портлар ҳәм теңизшилик шөлкеми (ПМО) басшысы Саид Расули қатнасыўындағы мәресимде қол қойылды.

Өз-ара келисим меморандумы шеңберинде тәреплер Өзбекстан жеке меншик секторы ушын Иранның Шаҳид Ражаи портына инвестиция киргизиў, арнаўлы терминал ҳәм логистика орайын қурыў ушын зәрүр шараятларды жаратады,-деп мәлимлеме береди xabar.uz сайты.

Қарақалпақстан хабар агентлиги