Tegeranda Iran hám Ózbekstan arasında tranzit birge islesiwdi rawajlandırıw boyınsha óz-ara kelisim memorandumına qol qoyıldı.

Memorandumǵa qol qoyıw ilajı Tegeranda bolıp ótken Ekonomikalıq birge islesiw shólkemine (EBSh) aǵza mámleketler transport ministrleriniń 13-májilisi sheńberinde shólkemlestirildi.
Memorandumǵa Iran transport hám qala qurılısı ministri Farzona Sodiq hám Ózbekstan transport ministri Ilhom Mahkamov jáne Iran portlar hám teńizshilik shólkemi (PMO) basshısı Said Rasuli qatnasıwındaǵı máresimde qol qoyıldı.
Óz-ara kelisim memorandumı sheńberinde tárepler Ózbekstan jeke menshik sektorı ushın Irannıń Shahid Rajai portına investiciya kirgiziw, arnawlı terminal hám logistika orayın qurıw ushın zárúr sharayatlardı jaratadı,-dep málimleme beredi xabar.uz saytı.

Qaraqalpaqstan xabar agentligi