Әзербайжан пайтахты Баку қаласында “Baku Energy Week” дәстүрий энергетика ҳәптелиги өз жумысын баслады.

Әзербайжан энергетика министрлиги ҳәм “SOCAR” мәмлекетлик нефть компаниясы менен биргеликте шөлкемлестирилген бул абырайлы илажда “Өзбекнефтьгаз” акционерлик жәмийети де өзиниң ири инвестициялық жойбарлары ҳәм бирге ислесиў имканиятларын усынбақта.

Бул ҳәптеликтиң рәсмий ашылыў мәресиминде Әзербайжан Республикасы Президенти Илҳам Алиев қатнасты ҳәм ол өзиниң шығып сөйлеген сөзинде мәмлекеттиң энергетика потенциалын халықаралық инвесторлар ҳәм бирге ислесиўшилерге көрсетиў әҳмийетли екенлигин айрықша атап өтти.

Итибарлы тәрепи, абырайлы илаж шеңберинде Әзербайжан Президенти “Өзбекнефтьгаз” АЖ корпоратив стендине барып, компанияның биргеликте әмелге асырып атырған жойбарлары ҳәм келешектеги режелери менен жақыннан танысты.

Ҳәптелик шеңберинде “Каспий нефть ҳәм газ” халықаралық көргизбеси, “Каспий халықаралық энергия ҳәм қайта тикленетуғын энергия дәреклери” конференциясы ҳәм Баку энергетика форумы сыяқлы илажлар өткерилмекте.

“Өзбекнефтьгаз” АЖ мәлимлеме хызметиниң хабарына бола, бул ҳәптелик 4-июнь күни өз жумысын жуўмақлайды.

Н.Зиёдуллаева таярлады, ӨзА