Өзбекстан Республикасы Министрлер Кабинети «Мәмлекет қаржысы тараўында қәўиплерди басқарыў системасын нәтийжели шөлкемлестириў илажлары ҳаққында» қарар қабыллады.

Оған муўапық:

а) Финанслық ҳәм басқа қәўиплерди анықлаў, баҳалаў ҳәм басқарыў тәртиби ҳаққындағы реже:

республикалық ҳәм жергиликли атқарыў ҳәкимияты уйымларында финанслық ҳәм басқа да қәўиплерди анықлаў, баҳалаў ҳәм олардың реестри ҳәм мониторингин жүргизиў;

финанслық ҳәм басқа да қәўиплерди азайтыў (алдын алыў, сапластырыў) бойынша системалы илажларды әмелге асырыў;

финанслық ҳәм басқа да қәўиплерди басқарыў тараўында жуўапкер хызметкерлердиң қәнигелигин арттырып барыў;

б) Қәўиплерди басқарыў комитети ҳаққындағы үлги реже:

республикалық ҳәм жергиликли атқарыў ҳәкимияты уйымларында Қәўиплерди басқарыў комитетлерин ҳәм олардың жумысын шөлкемлестириў тәртиби;

Қәўиплерди басқарыў комитетлериниң тийкарғы ўазыйпалары тастыйықланды.

Қарарға муўапық, 2025-жыл 1-сентябрьден баслап республикалық ҳәм жергиликли атқарыў ҳәкимияты уйымларының Қәўиплерди басқарыў комитетлери ағзалары ҳәм структуралық бөлимлериниң хызметкерлери ушын қәнигелик арттырыў системасы жолға қойылады.

ӨзА