Ózbekstan Respublikası Ministrler Kabineti «Mámleket qarjısı tarawında qáwiplerdi basqarıw sistemasın nátiyjeli shólkemlestiriw ilajları haqqında» qarar qabılladı.

Oǵan muwapıq:
a) Finanslıq hám basqa qáwiplerdi anıqlaw, bahalaw hám basqarıw tártibi haqqındaǵı reje:
respublikalıq hám jergilikli atqarıw hákimiyatı uyımlarında finanslıq hám basqa da qáwiplerdi anıqlaw, bahalaw hám olardıń reestri hám monitoringin júrgiziw;
finanslıq hám basqa da qáwiplerdi azaytıw (aldın alıw, saplastırıw) boyınsha sistemalı ilajlardı ámelge asırıw;
finanslıq hám basqa da qáwiplerdi basqarıw tarawında juwapker xızmetkerlerdiń qánigeligin arttırıp barıw;
b) Qáwiplerdi basqarıw komiteti haqqındaǵı úlgi reje:
respublikalıq hám jergilikli atqarıw hákimiyatı uyımlarında Qáwiplerdi basqarıw komitetlerin hám olardıń jumısın shólkemlestiriw tártibi;
Qáwiplerdi basqarıw komitetleriniń tiykarǵı wazıypaları tastıyıqlandı.
Qararǵa muwapıq, 2025-jıl 1-sentyabrden baslap respublikalıq hám jergilikli atqarıw hákimiyatı uyımlarınıń Qáwiplerdi basqarıw komitetleri aǵzaları hám strukturalıq bólimleriniń xızmetkerleri ushın qánigelik arttırıw sisteması jolǵa qoyıladı.

ÓzA