Қолтық бирге ислесиў кеңеси Бас хаткериниң сиясий мәселелер ҳәм сөйлесиўлер бойынша жәрдемшиси доктор Абулазиз Ал-Увайшиқ Саудия  Арабстаны Қолтық мәмлекетлери  ҳәм Орайлық Азия регионы биринши саммити Жидда қаласында өткерилиўинде шешиўши орын ийелегени, мәмлекет  усы форматтағы бирге ислесиўди  беккемлеўден  ең мәпдар мәмлектлерден  бири екенин атап өтти.

Лаўазымлы шахс бул пикирди Саудияның жетекши мәмлекетлик мәлимлеме агентлиги – SPA редакторына Ар-Риёдтағы Кеңес Бас хаткериниң резиденциясында болып өткен симпозиум ўақтында берген баянатында айтқан.

Интервьюде тәреплердиң шериклиги Жидда саммитинде тастыйықланған биргеликтеги ҳәрекет режесине тийкарланып, билимлендириў, денсаўлықты сақлаў, мәденият, жаслар, спорт, сондай-ақ, сиясат, қәўипсизлик, экономика тараўларын  қамтып  алғанына  итибар қаратылған.

– Тиккелей қурғақлық ямаса теңиз транспорты шынжыры жоқ екенлигине қарамастан, еки регион бирге ислесиўиниң сезилерли раўажланып атырғанына гүўамыз, –  деп сөзин даўам еттирген Абдулазиз Ал-Увайшиқ. – Кейинги сегиз жылда товар алмасыў он есеге артты, Орайлық Азия мәмлекетлери ушын тийкарғы  бағдарлар есапланған энергетика, инфраструктура тараўларына өз-ара инвестиция ағымы тезлескен.

Муҳаррама Пирматова, ӨзА