Qoltıq birge islesiw keńesi Bas xatkeriniń siyasiy máseleler hám sóylesiwler boyınsha járdemshisi doktor Abulaziz Al-Uvayshiq Saudiya Arabstanı Qoltıq mámleketleri hám Oraylıq Aziya regionı birinshi sammiti Jidda qalasında ótkeriliwinde sheshiwshi orın iyelegeni, mámleket usı formattaǵı birge islesiwdi bekkemlewden eń mápdar mámlektlerden biri ekenin atap ótti.

Lawazımlı shaxs bul pikirdi Saudiyanıń jetekshi mámleketlik málimleme agentligi – SPA redaktorına Ar-Riyodtaǵı Keńes Bas xatkeriniń rezidenciyasında bolıp ótken simpozium waqtında bergen bayanatında aytqan.
Intervyude táreplerdiń sherikligi Jidda sammitinde tastıyıqlanǵan birgeliktegi háreket rejesine tiykarlanıp, bilimlendiriw, densawlıqtı saqlaw, mádeniyat, jaslar, sport, sonday-aq, siyasat, qáwipsizlik, ekonomika tarawların qamtıp alǵanına itibar qaratılǵan.
– Tikkeley qurǵaqlıq yamasa teńiz transportı shınjırı joq ekenligine qaramastan, eki region birge islesiwiniń sezilerli rawajlanıp atırǵanına gúwamız, – dep sózin dawam ettirgen Abdulaziz Al-Uvayshiq. – Keyingi segiz jılda tovar almasıw on esege arttı, Oraylıq Aziya mámleketleri ushın tiykarǵı baǵdarlar esaplanǵan energetika, infrastruktura tarawlarına óz-ara investiciya aǵımı tezlesken.

Muharrama Pirmatova, ÓzA