Ташкент медицина академиясы, Ташкент педиатрия медицина институты ҳәм  Ташкент мәмлекетлик стоматология институты негизинде Ташкент мәмлекетлик  медицина университети шөлкемелстириледи.

Бул «Медицина тараўында кадрлар таярлаў системасын түп-тийкарынан жетилистириў  илажлары ҳаққында»ғы Президент қарарында (ПҚ-149-санлы, 220.04.2025) белгиленди.

Сондай-ақ, қарарға бола, Ташкент медицина академиясының орайлық илимий-тексериў лабораториясы негизинде Медицина илимий-инновациялық изертлеў институтының жумысы жолға қойылады.

Ташкент медицина академиясының Үргенш филиалы Үргенш мәмлекетлик  медицина инстиуты етип қайта шөлкемлестириледи.

Ташкент медицина  академиясының көп тармақлы клиникасы, Ташкент педиатрия медицина институты клиникасы ҳәм Ташкент мәмлекетлик стоматология институты клиникасы Ташкент мәмлекетлик медицина университети  клиникалары етип қайта аталады.

Ташкент медицина академиясының Термиз ҳәм Шыршық филиаллары Ташкент мәмлекетлик  медицина университетиниң  Термиз ҳәм Шыршық филиаллары етип қайта аталады.

Ташкент медицина академиясының академиялық лицейи, Ташкент педиатрия медицина институты академиялық лицейи ҳәм Ташкент мәмлекетлик стоматология институты академиялық лицейи Ташкент мәмлекетлик медицина университетиниң  1, 2 ҳәм 3-санлы академиялық лицейлери етип қайта аталады.

Билимлендириў бағдарламаларын халықаралық медициналық билимлендириў стандартларына муўапықластырып, компетенцияларға тийкарланған медициналық билимлендириў бағдарламаларын енгизиў Университеттиң тийкарғы ўазыйпалары  ҳәм жумысы бағдарларынан бири етип белгиленди.

ӨзА