Tashkent medicina akademiyası, Tashkent pediatriya medicina institutı hám Tashkent mámleketlik stomatologiya institutı negizinde Tashkent mámleketlik medicina universiteti shólkemelstiriledi.

Bul «Medicina tarawında kadrlar tayarlaw sistemasın túp-tiykarınan jetilistiriw ilajları haqqında»ǵı Prezident qararında (PQ-149-sanlı, 220.04.2025) belgilendi.
Sonday-aq, qararǵa bola, Tashkent medicina akademiyasınıń oraylıq ilimiy-tekseriw laboratoriyası negizinde Medicina ilimiy-innovaciyalıq izertlew institutınıń jumısı jolǵa qoyıladı.
Tashkent medicina akademiyasınıń Úrgensh filialı Úrgensh mámleketlik medicina instiutı etip qayta shólkemlestiriledi.
Tashkent medicina akademiyasınıń kóp tarmaqlı klinikası, Tashkent pediatriya medicina institutı klinikası hám Tashkent mámleketlik stomatologiya institutı klinikası Tashkent mámleketlik medicina universiteti klinikaları etip qayta ataladı.
Tashkent medicina akademiyasınıń Termiz hám Shırshıq filialları Tashkent mámleketlik medicina universitetiniń Termiz hám Shırshıq filialları etip qayta ataladı.
Tashkent medicina akademiyasınıń akademiyalıq liceyi, Tashkent pediatriya medicina institutı akademiyalıq liceyi hám Tashkent mámleketlik stomatologiya institutı akademiyalıq liceyi Tashkent mámleketlik medicina universitetiniń 1, 2 hám 3-sanlı akademiyalıq liceyleri etip qayta ataladı.
Bilimlendiriw baǵdarlamaların xalıqaralıq medicinalıq bilimlendiriw standartlarına muwapıqlastırıp, kompetenciyalarǵa tiykarlanǵan medicinalıq bilimlendiriw baǵdarlamaların engiziw Universitettiń tiykarǵı wazıypaları hám jumısı baǵdarlarınan biri etip belgilendi.

ÓzA