Россия сыртқы ислер министри Сергей Лавров рәсмий сапар менен Өзбекстанға келди. Оның самолёты Самарқанд аэропортына келип қонды. Бул ҳаққында РИА Новости хабар берди.

Сергей Лавров Өзбекстан президенти Шавкат Мирзиёев ҳәм Сыртқы ислер министри Бахтиёр Саидов пенен ушырасады. Тәреплер барлық тараўларда еки тәреплеме стратегиялық шериклик ҳәм аўқамласлықты раўажландырыў, халықаралық машқалалар, регионаллық қәўипсизлик мәселелери, сондай-ақ, Ғәрезсиз Мәмлекетлердиң Дослық Аўқамы, Шанхай бирге ислесиў шөлкеми ҳәм Орайлық Азия – Россия форматларында өз-ара бирге ислесиў мәселелерин додалайды, делинеди хабарда.

Қарақалпақстан хабар агентлиги