Бахрейн мәлеимлеме агентлиги усы мәмлекеттиң сыртқы ислер министри Абдуллатиф бин Рашид Ал-Заёний Ал-Кувейт қаласында Өзбекстан сыртқы сиясат уйымының басшысы Бахтияр Саидов пенен ушырасқанын сәўлелендирди.

Мақалада сөйлесиў дос Кувейт мәмлекети тәрепинен шөлкемлестирилген «Орайлық Азия – Араб қолтығы мәмлекетлери бирге ислесиў кеңеси» стратегиялық сөйлесиў Сыртқы ислер министрлериниң үшинши ушырасыў мәжилиси шеңберинде болып өткени атап өтилген.

Сәўбет барысында еки мәмлекет бирге ислесиўиниң әҳмийетли тәреплери, байланысларды улыўма мәп ҳәм мақсеттен келип шығып раўажландырыў жоллары, регионаллық өзгерислердиң қәўипсизлик ҳәм турақлылыққа тәсири сыяқлы мәселелер додаланған.

Тәреплер дипломатия, саўда ҳәм инвестиция тараўларындағы көп тәреплеме шерикликтиң көлемин кеңейтиў зәрүрлигин толық мақуллаған.

М.Пирматова, ӨзА