Baxreyn máleimleme agentligi usı mámlekettiń sırtqı isler ministri Abdullatif bin Rashid Al-Zayoniy Al-Kuveyt qalasında Ózbekstan sırtqı siyasat uyımınıń basshısı Baxtiyar Saidov penen ushırasqanın sáwlelendirdi.

Maqalada sóylesiw dos Kuveyt mámleketi tárepinen shólkemlestirilgen «Oraylıq Aziya – Arab qoltıǵı mámleketleri birge islesiw keńesi» strategiyalıq sóylesiw Sırtqı isler ministrleriniń úshinshi ushırasıw májilisi sheńberinde bolıp ótkeni atap ótilgen.
Sáwbet barısında eki mámleket birge islesiwiniń áhmiyetli tárepleri, baylanıslardı ulıwma máp hám maqsetten kelip shıǵıp rawajlandırıw jolları, regionallıq ózgerislerdiń qáwipsizlik hám turaqlılıqqa tásiri sıyaqlı máseleler dodalanǵan.
Tárepler diplomatiya, sawda hám investiciya tarawlarındaǵı kóp tárepleme sherikliktiń kólemin keńeytiw zárúrligin tolıq maqullaǵan.

M.Pirmatova, ÓzA