Олий Мажлис Сенатының Баслығы Танзила Нарбаева Пүткилқытай халық ўәкиллери кеңеси турақлы комитети баслығының орынбасары Лосанг Гялцен менен ушырасты

 Ушырасыў Қытай делегациясының Өзбекстанға сапары шеңберинде болып өтти. Сәўбетлесиў даўамында еки мәмлекет парламентлери арасында бирге ислесиў терең ҳәм өз-ара пайдалы шерикликтиң тийкары сыпатында әҳмийетли екенлиги атап өтилди. Кейинги жылларда бул бағдарда белсендилик бақланы атырғаны, бирге ислесиўдиң әмелий жойбарлар менен буннан былай да байытыў зәрүрлигине итибар қаратылды.

Биргеликтеги басламалар, соның ишинде, Өзбекстан Олий Мажлиси Сенаты ҳәм Пүткилқытай халық ўәкиллери кеңеси арасында бирге ислесиў бойынша парламентлераралық комиссия дүзиў мәселеси көрип шығылды.

Ушырасыўда жоқары дәрежеде ерисилген келисимлерди орынлаў бойынша парламентлик қадағалаўды жеделлестириў, сондай-ақ, «жасыл» экономика ҳәм коррупцияға қарсы гүресиў мәселелери бойынша әмелий семинарлар өткериў усыныс етилди.

Н.Абдураимова, ӨзА