Oliy Majlis Senatınıń Baslıǵı Tanzila Narbaeva Pútkilqıtay xalıq wákilleri keńesi turaqlı komiteti baslıǵınıń orınbasarı Losang Gyalcen menen ushırastı.

Ushırasıw Qıtay delegaciyasınıń Ózbekstanǵa saparı sheńberinde bolıp ótti. Sáwbetlesiw dawamında eki mámleket parlamentleri arasında birge islesiw tereń hám óz-ara paydalı sherikliktiń tiykarı sıpatında áhmiyetli ekenligi atap ótildi. Keyingi jıllarda bul baǵdarda belsendilik baqlanı atırǵanı, birge islesiwdiń ámeliy joybarlar menen bunnan bılay da bayıtıw zárúrligine itibar qaratıldı.

Birgeliktegi baslamalar, sonıń ishinde, Ózbekstan Oliy Majlisi Senatı hám Pútkilqıtay xalıq wákilleri keńesi arasında birge islesiw boyınsha parlamentleraralıq komissiya dúziw máselesi kórip shıǵıldı.

Ushırasıwda joqarı dárejede erisilgen kelisimlerdi orınlaw boyınsha parlamentlik qadaǵalawdı jedellestiriw, sonday-aq, «jasıl» ekonomika hám korrupciyaǵa qarsı gúresiw máseleleri boyınsha ámeliy seminarlar ótkeriw usınıs etildi.

N.Abduraimova, ÓzA