Орайлық Азия мәмлекетлери ҳәм Европа Аўқамының басшылары Арал мәденият саммитине байланыслы көргизбе менен танысты

«Орайлық Азия – Европа Аўқамы» форматындағы биринши жоқары дәрежедеги рәсмий ушырасыў жуўмақланғаннан соң, жетекшилер биргеликте Арал мәденият саммитиниң экспозициясына барды.

Көргизбеде Арал экосистемасын тиклеў, аймақтың мәдений мийрасын қәстерлеп сақлаў ҳәм турақлы раўажланыўына жәрдемлесиўге қаратылған бийбаҳа басламалар таныстырылды. Бул жерде визуал, сенсор ҳәм интерактив қураллар арқалы Аралбойының тәбийғый ҳәм мәдений байлығы менен танысыў мүмкин.

Көргизбеден архитектуралық ҳәм ландшафт фотографиясына қәнигелескен белгили фотосүўретши Иван Баанның шығармалары, Қарақалпақстан ушын тән өсимлик болып есапланған қамыстан жаратылған флористик композиция, сондай-ақ, Аралбойының дәстүрий өнимлери – сексеўил туқымы, бақаншақлар, тәбийғый дуз, кептирилген әдираспан, дәстүрий нағыслы кийиз ҳәм басқа да көплеген экспонатлар орын алған.

ӨзА