«Oraylıq Aziya – Evropa Awqamı» formatındaǵı birinshi joqarı dárejedegi rásmiy ushırasıw juwmaqlanǵannan soń, jetekshiler birgelikte Aral mádeniyat sammitiniń ekspoziciyasına bardı.
Kórgizbede Aral ekosistemasın tiklew, aymaqtıń mádeniy miyrasın qásterlep saqlaw hám turaqlı rawajlanıwına járdemlesiwge qaratılǵan biybaha baslamalar tanıstırıldı. Bul jerde vizual, sensor hám interaktiv qurallar arqalı Aralboyınıń tábiyǵıy hám mádeniy baylıǵı menen tanısıw múmkin.
Kórgizbeden arxitekturalıq hám landshaft fotografiyasına qánigelesken belgili fotosúwretshi Ivan Baannıń shıǵarmaları, Qaraqalpaqstan ushın tán ósimlik bolıp esaplanǵan qamıstan jaratılǵan floristik kompoziciya, sonday-aq, Aralboyınıń dástúriy ónimleri – seksewil tuqımı, baqanshaqlar, tábiyǵıy duz, keptirilgen ádiraspan, dástúriy naǵıslı kiyiz hám basqa da kóplegen eksponatlar orın alǵan.

ÓzA