Парламентлераралық аўқамның 150-ассамблеясы мүнәсибети менен елимизге келген Египет Араб Республикасы парламенти Ўәкиллер палатасының Спикери Ҳанафий Али ал-Гебалий Олий Мажлис Сенатына барды.

Сенат Баслығы Танзила Норбоева менен ушырасыўда Өзбекстан ҳәм Египет арасындағы парламентлераралық байланыслардың перспективалары додаланды. Египет Өзбекстанның Жақын Шығыстағы исенимли шериклеринен бири екени, еки мәмлекет халықлары арасындағы тарийхый, мәдений ҳәм дәстүрий байланыслар бирге ислесиўди және де беккемлеў ушын беккем тийкар болып хызмет етип атырғаны айрықша атап өтилди.

Мәмлекет басшылары дәрежесинде ерисилген кең көлемли келисимлердиң нәтийжели әмелге асырылыўын тәмийинлеў ушын парламент қадағалаўын күшейтиў зәрүр екенлиги атап өтилди.

Еки мәмлекет парламентлери Сенатлары арасындағы бирге ислесиўди тереңлестириўге, Өзбекстан ҳәм Египет парламентлериндеги дослық топарларының жумысын жеделлестириўге, сондай-ақ, биргеликтеги илажлар шөлкемлестириўге итибар қаратылды.

Еки тәреплеме саўда-экономикалық ҳәм инвестициялық бирге ислесиўге жәрдемлесиў мақсетинде нызамшылық базасын жетилистириў ҳаққында да пикир алысылды.

Ушырасыў соңында Ҳанафий Али Эл-Гебалий Сенаттың Ҳүрметли мийманлар китабына қол таңба жазып қалдырды.

Н.Абдураимова, ӨзА