Parlamentleraralıq awqamnıń 150-assambleyası múnásibeti menen elimizge kelgen Egipet Arab Respublikası parlamenti Wákiller palatasınıń Spikeri Hanafiy Ali al-Gebaliy Oliy Majlis Senatına bardı.

Senat Baslıǵı Tanzila Norboeva menen ushırasıwda Ózbekstan hám Egipet arasındaǵı parlamentleraralıq baylanıslardıń perspektivaları dodalandı. Egipet Ózbekstannıń Jaqın Shıǵıstaǵı isenimli sheriklerinen biri ekeni, eki mámleket xalıqları arasındaǵı tariyxıy, mádeniy hám dástúriy baylanıslar birge islesiwdi jáne de bekkemlew ushın bekkem tiykar bolıp xızmet etip atırǵanı ayrıqsha atap ótildi.
Mámleket basshıları dárejesinde erisilgen keń kólemli kelisimlerdiń nátiyjeli ámelge asırılıwın támiyinlew ushın parlament qadaǵalawın kúsheytiw zárúr ekenligi atap ótildi.
Eki mámleket parlamentleri Senatları arasındaǵı birge islesiwdi tereńlestiriwge, Ózbekstan hám Egipet parlamentlerindegi doslıq toparlarınıń jumısın jedellestiriwge, sonday-aq, birgeliktegi ilajlar shólkemlestiriwge itibar qaratıldı.
Eki tárepleme sawda-ekonomikalıq hám investiciyalıq birge islesiwge járdemlesiw maqsetinde nızamshılıq bazasın jetilistiriw haqqında da pikir alısıldı.
Ushırasıw sońında Hanafiy Ali El-Gebaliy Senattıń Húrmetli miymanlar kitabına qol tańba jazıp qaldırdı.

N.Abduraimova, ÓzA