Париждеги ЮНЕСКО бас резиденциясында Өзбекстан ҳүкимети ҳәм ЮНЕСКО арасында келисимге қол қойылды. Бул ҳаққында Саида Мирзиёева өзиниң «Telegram»   каналында мәлим етти.

Оған бола, Самарқанд рәсмий ЮНЕСКО Бас конференцияның 43-сессиясы өткерилетуғын  орын сыпатында белгиленди. Итибарлысы сонда, соңғы 40 жыл ишинде бул конференция Парижден басқа жерде өткерилмеген.

«Биз мәденият ҳәм көркем өнер арқалы мәмлекетимизди халықаралық майданда үгит-нәсиятламақтамыз, дүнья халқына  жақынластырмақтамыз. Бул қатнасықлар тиккелей экономикалық нәтийжелерге қосылып, биргеликтеги жойбарлар  ҳәм улыўма идеяларға айланбақта», деген Саида Мирзиёева.

Қарақалпақстан хабар агентлиги