Parijdegi YuNESKO bas rezidenciyasında Ózbekstan húkimeti hám YuNESKO arasında kelisimge qol qoyıldı. Bul haqqında Saida Mirziyoeva óziniń «Telegram» kanalında málim etti.

Oǵan bola, Samarqand rásmiy YuNESKO Bas konferenciyanıń 43-sessiyası ótkeriletuǵın orın sıpatında belgilendi. Itibarlısı sonda, sońǵı 40 jıl ishinde bul konferenciya Parijden basqa jerde ótkerilmegen.
«Biz mádeniyat hám kórkem óner arqalı mámleketimizdi xalıqaralıq maydanda úgit-násiyatlamaqtamız, dúnya xalqına jaqınlastırmaqtamız. Bul qatnasıqlar tikkeley ekonomikalıq nátiyjelerge qosılıp, birgeliktegi joybarlar hám ulıwma ideyalarǵa aylanbaqta», degen Saida Mirziyoeva.

Qaraqalpaqstan xabar agentligi