Олий Мажлис Сенаты Баслығы Танзила Норбоева Россия Федерациясының Өзбекстан Республикасындағы Айрықша ҳәм толық ҳуқықлы елшиси Олег Мальгинов пенен ушырасты.

Ушырасыўда Өзбекстан ҳәм Россия арасындағы көп тәреплемели стратегиялық қатнасықларды раўажландырыў перспективалары, сондай-ақ, еки тәреплеме бирге ислесиўди беккемлеўде әҳмийетли орын ийелейтуғын парламентлераралық байланысларды жеделлестириў мәселелери көрип шығылды.

Өзбекстанда өткерилетуғын Парламентлераралық Аўқамның 150-юбилей ассамблеясына таярлық шеңберинде еки мәмлекет парламентлери арасындағы бирге ислесиўди тереңлестириў ҳәм кеңейтиў мәселелери додаланды.

О.Мальгинов Парламентлераралық Аўқамның юбилей ассамблеясында Россия делегациясының қатнасатуғынын атап өтип, бул Өзбекстан ҳәм Россия арасындағы стратегиялық бирге ислесиў беккемленип атырғанынан дәрек беретуғынын айрықша атап өтти.

Ушырасыў соңында еки мәмлекет халықларының мәплери жолында конструктивлик ҳәм өз-ара пайдалы бирге ислесиўди даўам еттириўге келисип алынды.

Н.Абдураимова,

ӨзА