Oliy Majlis Senatı Baslıǵı Tanzila Norboeva Rossiya Federaciyasınıń Ózbekstan Respublikasındaǵı Ayrıqsha hám tolıq huqıqlı elshisi Oleg Malginov penen ushırastı.

Ushırasıwda Ózbekstan hám Rossiya arasındaǵı kóp táreplemeli strategiyalıq qatnasıqlardı rawajlandırıw perspektivaları, sonday-aq, eki tárepleme birge islesiwdi bekkemlewde áhmiyetli orın iyeleytuǵın parlamentleraralıq baylanıslardı jedellestiriw máseleleri kórip shıǵıldı.
Ózbekstanda ótkeriletuǵın Parlamentleraralıq Awqamnıń 150-yubiley assambleyasına tayarlıq sheńberinde eki mámleket parlamentleri arasındaǵı birge islesiwdi tereńlestiriw hám keńeytiw máseleleri dodalandı.
O.Malginov Parlamentleraralıq Awqamnıń yubiley assambleyasında Rossiya delegaciyasınıń qatnasatuǵının atap ótip, bul Ózbekstan hám Rossiya arasındaǵı strategiyalıq birge islesiw bekkemlenip atırǵanınan dárek beretuǵının ayrıqsha atap ótti.
Ushırasıw sońında eki mámleket xalıqlarınıń mápleri jolında konstruktivlik hám óz-ara paydalı birge islesiwdi dawam ettiriwge kelisip alındı.

N.Abduraimova,
ÓzA