Өзбекстан Республикасы Бас министриниң орынбасары – экономика ҳәм қаржы министри Жамшид Қўчқоров Азия раўажланыў банки (АРБ) Орайлық ҳәм Батыс Азия департаменти бас директоры Евгений Жуков басшылығындағы делегация менен ушырасты.

Ушырасыўда Өзбекстан ҳәм АРБ арасындағы бирге ислесиўди және де раўажландырыў мәселелери додаланды. Сөйлесиўлер даўамында киши ҳәм орта бизнести раўажландырыў стратегиясы, мәмлекет бюджетине жәрдем бериў, билимлендириў, энергетика, транспорт, суў тәмийнаты ҳәм қала қурылысы бағдарларындағы жойбарларды кеңейтиў мәселелери көрип шығылды.

Сондай-ақ, экологиялық трансформация ҳәм турақлы раўажланыў бойынша жаңа басламалар додаланды. Энергия нәтийжелилигин арттырыў мақсетинде «super ESCO» системасын енгизиў мәселеси де күн тәртибине киргизилди.

Министрликтиң мәлимлеме хызметиниң хабар бериўинше, бул сөйлесиў шеңберинде АРБ ҳәм Ипотеканы қайта қаржыландырыў компаниясы арасында бирге ислесиўди раўажландырыў бойынша шәртнамаға қол қойылды.

Ушырасыў соңында тәреплер бирге ислесиўди және де раўажландырыў, жаңа жойбарларды қоллап-қуўатлаў ҳәм техникалық жәрдем шеңбериндеги бирге ислесиўди беккемлеў бағдарында келисимге еристи.

Н.Зиёдуллаева, ӨзА