Өзбекстан Республикасы Президенти Шавкат Мирзиёев ҳәм Қазақстан Республикасы Президенти Қасым-Жомарт Тоқаев биргеликте “AlmatyFair.ai” санлы технологиялар ҳәм жасалма интеллект көргизбесине барды.

Мәмлекет басшыларына бул салалардағы алдыңғы шешимлер ҳәм инновациялық қолланбалар ҳаққында хабар берилди.

Қазақcтан Президентиниң басламасы менен шөлкемлестирилип атырған “Alem.ai” жасалма интеллект орайының презентациясы болып өтти.

Alem.ai – жасалма интеллект тараўында қәнигелерди оқытыў, стартапларды иске түсириў ҳәм илимий изертлеўлерди әмелге асырыў ушын платформа.

Жетекшилер Орайлық Азиядағы ең ири технопарклер бирлеспеси – “Central Asian Innovation Hubs” (“Astana Hub” ҳәм “IT Park Uzbekistan”) жумысы менен де танысты.

Президентлер санластырыў тараўындағы өз-ара пайдалы бирге ислесиўди кеңейтиў, биргеликтеги IT өнимлерин жаратыў, жасалма интеллект ҳәм алдыңғы мәлимлеме технологиялары тараўындағы миллий стратегияларды өз-ара байланыстырыўдың әҳмийетин атап өтти.

ӨзА